球迷來論 ─ 足總杯帶來的喜悅

Arthur Wong 1.6.2017 - 11:30 a.m.

 

Eddy 你好,

我睇咗你個網站都大概有十年,一直都無留過言或者寫過 email 俾你。我今次覺得有啲嘢我真係一定要同大家講講,希望大家睇完唔同意都唔好鬧。希望你睇完都俾啲意見,同埋 post 出嚟俾大家睇睇。

我見你由以前差唔多隔日出文,到依家有時連賽前同賽後都冇寫評論,覺得都幾可惜。老實講句其實我自己近年來對球隊嘅熱情亦都減退咗唔少。以前喺香港讀書就算場波幾夜都會照樣捱眼瞓睇,到咗依家喺英國有時就算得閒都冇乜興趣睇啲普通戲碼,反以會留意多咗其他球隊。我唔覺得自己係 glory  hunter,不過我承認我對球隊好失望,失望到有時唔想知道賽果費事影響心情。

開波前見到唔少球迷話好心情茅盾,唔知應唔應該想球隊贏波。我曾經都有諗過呢個問題,不過到開波個下我好清楚我想阿仙奴贏,唔係因為贏輸都永續雲加,而係因為我仲好愛球隊。我好開心見到隊波咁團結,最開心係睇到 Mertesacker Holding high five嗰下。完場嘅時候我喊咗出嚟,攬住件波衫係咁叫。球隊今日嘅表現雖然唔係話完美,零失誤,不過睇到對波踢得咁有 heart 就令到我覺得隊波仲有希望。我唔係話雲加應該留低,我只係希望佢可以走得好好睇睇。老實講管理層做咩我哋無能為力,但係我希望所有球迷記得我地支持嘅係阿仙奴,點都唔好倒自己米。

Arthur Wong

eddy

感謝 Arthur 的來郵。

在未來兩年,當球季來到四月份的時間,我們會照樣看到球隊有這樣的熱血,照樣看到雲加有這樣的應變能力,球迷也照樣忘記從八月到三月發生的所有事情。

 

【文字版權所有,轉載及只抄襲部分金句者請列明出處】

_____________________________________________________